TKÍ » ToppFrétt3

Nordic Championship 2019

admin — Wed, 17 Oct 2018 09:44:11 +0000

TKÍ is proud to invite our friends from the Nordic and Baltic countries to the 2019 Nordic Championship.

Please find all the relevant information here:

Nordic Championship 2019 outline

Online registration form

Facebook event page

For all inquiries, please send an email to tki@tki.is

Leo keppir í Túnis

admin — Wed, 04 Apr 2018 10:25:27 +0000

Eftir afar gott gengi á Norðurlandamótinu í janúar og á Íslandsmeistarmótinu hefur landsliðsþjálfari Íslands í Sparring og TKÍ samþykkt að senda Leo Anthony Speight til að keppa fyrir hönd Íslands á komandi mótum:

5. – 8. apríl – Qualification for Youth Olympic Games, Hammamet, Tunisia og
8. til 14. apríl – World Junior Championships, Hammamet, Tunisia

TKÍ óskar honum góðrar ferðar og góðs gengis á mótunum.

EM Búdapest og Minsk

admin — Fri, 08 Sep 2017 17:51:53 +0000

Landsliðsþjálfari í Sparring hefur valið eftirtalda aðila til að keppa fyrir hönd Íslands á komandi Evrópumeistaramótum:

5. – 8. október 2017 – European Cadet Championships 2017 – Budapest, Hungary

Eyþór Jónsson
Snorri Bjarkason

27. – 29. október 2017 – European Senior Championships Olympic Weight Categories, Minsk, Belarus

Kristmundur Gíslason
Meisam Rafiei

TKÍ óskar þeim til hamingju með valið og bendir þeim á að kynna sér reglur TKÍ um styrkveitingar landsliðsverkefna sambandsins.

Landsliðsæfingar í Poomsae í Ágúst

admin — Fri, 11 Aug 2017 09:30:22 +0000

Landsliðsæfingar í Poomsae verða helgina 25. – 27. ágúst

Föstudag, 25. ágúst: kl 19:00-21:00 í Ármanni

Laugardag, 26. ágúst: kl 11:00-13:30 og 14:30 til 17:00 í Keflavík

Sunnudag, 27. ágúst: kl 11:00 – 13:30 í Aftureldingu

Næstu æfingar

Upplýsingar um næstu æfingu má finna á dagatali TKÍ 2017-2018. Birt með fyrirvara um breytingar.

Upplýsingar um starfsemi Landsliðshóps í Poomsae almennt má finna hér.

Dómaranefnd TKÍ

admin — Wed, 12 Jul 2017 11:27:51 +0000

Stjórn TKÍ þakkar þeim aðildarfélögum og einstaklingum sem buðu fram krafta sína í dómaranefnd.

Dómaranefnd TKÍ samanstendur af eftirtöldum svartbeltingum:

María Guðrún Sveinbjörnsdóttir, Afturelding, Nefndarformaður
Haukur Skúlason, Afturelding
Helgi Rafn Guðmundsson, Keflavík
Malsor Tafai, Alþjóðadómari
Sigursteinn Snorrason, Selfoss
Sveinn Speight, Björk

Auk þess er stjórn TKÍ með aukaaðild að nefndinni og styður nefndina með ráð og dáð.

Nánari upplýsingar um nefndina má finna hér

Tilnefningar í Dómaranefnd

admin — Sat, 20 May 2017 21:28:12 +0000

TKÍ hefur ákveðið að skipa Dómaranefnd og óskar eftir tilnefningum í hana. Stjórnin óskar því eftir að hvert félag tilnefni einn aðila í nefndina, með tölvupósti sem sendur skal á tki@tki.is. Vinsamlegast tiltakið reynslu og menntun tilnefndra aðila til dómarastarfa, og á hvaða sviðum reynslan er (s.s. poomsae eða sparring). Stjórn TKÍ mun tilnefna formann nefndarinnar sérstaklega.

Hlutverk Dómaranefndar verður fjölþætt, en krefst m.a. náinnar samvinnu við mótanefnd, samvinnu við landslið í poomsae og sparring, auk samráðs og samvinnu við stjórn TKÍ.

Dómaranefnd skal stuðla að aukinni dómaramenntun á Íslandi, og fá til þess aðila til þess að halda dómaranámskeið á vegum TKÍ, svo og að stuðla að því að íslenskir dómarar fái tækifæri til þess að öðlast viðunandi menntun og reynslu erlendis.

Dómaranefnd skal skipuleggja sérstakar landsliðsæfingar með tækjabúnaði í samráði við landsliðsþjálfara, og skal bera ábyrgð á að dómarar og landsliðsfólk sé kunnugt þeim tækjabúnaði sem notaður er á mótum innanlands sem utan.

Dómaranefnd skal aðstoða mótanefnd við að manna dómarastöður á mótum TKÍ, og skal leita leiða til þess að tryggja að öll keppnisgólf verði fullmönnuð af dómurum með viðeigandi menntun og reynslu að gefnu tilliti til keppnisflokks. Leitast skal m.a. við að hafa 5 dómara á hverju gólfi í poomsae.

Dómaranefnd skal útvega yfirdómara fyrir öll mót TKÍ í samráði við stjórn og mótanefnd. Yfirdómari skal bera ábyrgð á að yfirfara dóma á mótum og veita uppbyggilega endurgjöf með það í huga að þróa viðkomandi áfram sem dómara.

Dómaranefnd skal aðstoða mótanefnd við að tryggja að starfsumhverfi dómara á mótum TKÍ verði til fyrirmyndar. Dómarar skuli geta gengið að vísu að því að þau verði leyst af og fái grunnþörfum sinnt. Dómarar skulu fá stuðning frá sér reyndari dómurum. Ungir og óreyndir dómarar skulu geta reitt sig á að þau beri ekki ábyrgð á samskiptum við deiluaðila og séu varin gegn áreiti.

Dómaranefnd skal skapa og skrásetja viðmið um aga og góða siði á mótum ásamt þeim venjum og verkferlum sem dómarar skuli hafa til þess að beita agaviðurlögum á mótsstað.

Dómaranefnd skal semja tillögur um reglur um mót á vegum TKÍ í samráði við mótanefnd og stjórn TKÍ. Tekið skal fram að stjórn TKÍ þarf að samþykkja allar slíkar reglur.

Dómaranefnd skal bera ábyrgð á að veita dómurum opinbera viðurkenningu fyrir störf sín, s.s. bikar fyrir dómara mótsins.

Dómaranefnd skal bera ábyrgð á að hæfir yfirdómarar verði skipaðir fyrir öll mót.

Dómaranefnd skal skrásetja reynslu íslenskra dómara og leitast við að virkja dómara sem eru lítt eða óháðir keppendum, s.s. fyrrum iðkendur með viðeigandi menntun og reynslu.

Dómaranefnd skal leita samþykkis stjórnar TKÍ varðandi fjárútlát, ef kemur til álitamála, og í stórum málum svo sem hvar, hvenær og af hverjum námskeið skuli haldin.

Dómaranefnd verður skipuð til tveggja ára í senn. Ný dómaranefnd tekur til starfa að loknu síðasta móti vetrarins. Fráfarandi dómaranefnd ber ábyrgð á að ný dómaranefnd fái allan þann stuðning er þarf til þess að skiptingin gangi snurðulaust.

Stjórn TKÍ áskilur sér rétt til að leggja niður nefndir ef upp kemur óleysanlegur ágreiningur milli nefndarinnar og stjórnar. Stjórnin áskilur sér einnig rétt til að hafa yfirumsjón með öllum nefndum sem starfa í umboði hennar og búist er við náinnar samvinnu og uppbyggilegum samskiptum með grunngildi Taekwondo að leiðarljósi.

Svartabeltisprófanefnd TKÍ

admin — Sun, 07 May 2017 11:54:12 +0000

Stjórn TKÍ þakkar þeim aðildarfélögum sem buðu fram krafta sína í svartabeltisprófanefnd.

Svartabeltisprófanefnd TKÍ samanstendur af eftirtöldum svartbeltingum:

Antje Müller Dietersdóttir, Ármann, Nefndarformaður
Helgi Rafn Guðmundsson, Keflavík
Hildur Baldursdóttir, Ármann
Karl Jóhann Garðarsson, KR
Meisam Rafiei, Ármann

Auk þess er stjórn TKÍ með aukaaðild að nefndinni og styður nefndina með ráð og dáð.

Hlutverk svartabeltisprófanefndar er að skipuleggja og fá aðila til þess að halda svartabeltispróf á vegum TKÍ, ásamt því að styðja við aðildarfélög sem vilja halda eigin svartabeltispróf en þurfa aðstoð til þess.

Svartabeltisprófanefnd skal leita samþykkis stjórnar TKÍ varðandi fjárútlát, ef kemur til álitamála, og í stórum málum svo sem hvar, hvenær og af hverjum próf skuli haldin.

Fyrsta verk svartabeltisprófanefndar verður að skipuleggja svartabeltispróf á vegum TKÍ sem verður haldið dagana 25. – 26. maí 2017. Jamshid Mazaheri verður prófdómari.

Undir svartabeltisprófanefnd mun falla að sammælast við prófdómara um prófkröfur, skrásetja þær, varðveita þær til frambúðar og koma þeim til skila til próftaka.

Einnig mun hún sjá um að útvega húsnæði fyrir próf. Hún mun útvega aðföng, skipuleggja hátíðarhöld, sjá um auglýsingar fyrir próf, og um útgáfu skírteina ásamt prófdómara og WTF.

Nefndin mun taka við skráningum í beltapróf, og sjá til þess að ekki verði þjónusturof hjá TKÍ á þessu sviði í framtíðinni t.d. vegna erlendra reglugerðarbreytinga.

Svartabeltisprófanefnd verður skipuð til tveggja ára í senn. Ný svartabeltisprófanefnd tekur til starfa að loknu síðasta prófi hvers vetrar. Fráfarandi svartabeltisprófanefnd ber ábyrgð á að ný svartabeltisprófanefnd fái allan þann stuðning er þarf til þess að skiptingin gangi snurðulaust.

TKÍ óskar eftir tilnefningum í svartbeltisprófanefnd

admin — Fri, 28 Apr 2017 17:39:34 +0000

TKÍ hefur ákveðið að óska eftir tilnefningum í svartbeltisprófanefnd, og óskum því eftir að hvert félag tilnefni einn aðila í nefndina. Stjórn TKÍ mun tilnefna formann nefndarinnar.

Hlutverk svartbeltisprófanefndar verður að skipuleggja og fá aðila til þess að halda svartbeltispróf á vegum TKÍ, ásamt því að styðja við aðildarfélög sem vilja halda eigin svartbeltispróf en þurfa aðstoð til þess.

Svartbeltisprófanefnd skal leita samþykkis stjórnar TKÍ varðandi fjárútlát, ef kemur til álitamála, og í stórum málum svo sem hvar, hvenær og af hverjum próf skuli haldin.

Fyrsta verk svartbeltisprófanefndar verður að skipuleggja svartbeltispróf á vegum TKÍ sem verður haldið 25. – 26. maí 2017. Jamshid Mazaheri verður prófdómari. TKÍ óskar eftir því að þjálfarar próftaka sem þess óska og treysta sér til taki þátt í athöfninni.

Undir svartbeltisprófanefnd mun falla að sammælast við prófdómara um prófkröfur, skrásetja þær, varðveita þær til frambúðar og koma þeim til skila til próftaka. Einnig mun hún sjá um að útvega húsnæði fyrir próf. Hún mun útvega aðföng s.s. belti, skipuleggja hátíðarhöld, sjá um auglýsingar fyrir próf, og um útgáfu skírteina ásamt prófdómara og WTF. Nefndin mun taka við skráningum í beltapróf, og sjá til þess að ekki verði þjónusturof hjá TKÍ á þessu sviði í framtíðinni t.d. vegna erlendra reglugerðarbreytinga.

Svartbeltisprófanefnd verður skipuð til tveggja ára í senn. Ný svartbeltisprófanefnd tekur til starfa að loknu síðasta prófi hvers vetrar. Fráfarandi svartbeltisprófanefnd ber ábyrgð á að ný svartbeltisprófanefnd fái allan þann stuðning er þarf til þess að skiptingin gangi snurðulaust.

WTF World Taekwondo Championships

admin — Sat, 22 Apr 2017 23:06:18 +0000

Landsliðsþjálfari í Sparring landsliðsins hefur valið eftirtalda aðila til að keppa fyrir hönd Íslands á 2017 WTF World Taekwondo Championships, sem fram fer í Muju í Koreu 24. – 30. júní nk.

Ingibjörgu Erlu Grétarsdóttir,
Kristmund Gíslason,
Meisam Rafiei og
Svan Þór Mikaelsson.

TKÍ óskar þeim til hamingju með valið og bendir þeim á að kynna sér reglur TKÍ um styrkveitingar landsliðsverkefna sambandsins.

Þessir aðilar og þjálfarar þeirra þurfa að staðfesta við TKÍ eigi síðar en 27. apríl að þeir muni keppa. Skipulagning á ferðatilhögun í höndum TKÍ og landsliðsþjálfara.

Landsliðsæfingar í Sparring

admin — Thu, 06 Apr 2017 22:12:23 +0000

Landsliðsæfingar í Sparring verða næst 21. – 23. apríl, 12. – 14. maí og 16. – 18. júní.

Nánari upplýsingar verða birtar síðar.